5. KAASH GUMBAD-E-KHAZRA DEKHNE KO MIL JAATA
Daagh-e-furqat-e-taybah qalb-o-muzmahil jaata
Kaash gumbad-e-khazra dekhne ko mil jaata.
Mera dam nikal jaata un ke aastaane par
Un ke aastaane ki khaak meiN maiN mil jaata.
Mere dil se dhul jaata daagh-e-furqat-e-taybah
Taybah meiN fanaa ho kar taybah meiN hi mil jaata.
Mout le ke aajati zindagi Madine meiN
Mout se galey mil kar zindagi meiN mil jaata.
Khuld-e-zaar-e-taybah ka is tarah safar hota
Peeche peeche sar jaata aage aage dil jaata.
Dil pe jab kiran paRti un key sabz gumbad ki
Us ki sabz rangat se baagh ban key khil jaata.
Furqat-e-madinah ne woh diye mujhe sadmey
Koh par agar paRte koh bhi to hil jaata.
Dil mera bichaa hota un ki rah guzaaroN meiN
Un key naqsh-e-paa se yuN mil ke mustaqil jaata.
Dil pe woh qadam rakhte naqsh-e-paa ye dil banta
Ya to khaak paa ban kar paa se muttasil jaata.
Woh khiraam farmaate mere deedah-o-dil par
Deedah maiN fida karta sadqe mera dil jaata.
Chashm-e-tar wahaaN behti dil ka mudda’a kehti
Aah baa adab rehti munh mera sil jaata.
Dar pe dil jhuka hota izn paa ke phir baRhta
Har gunaah yaad aata dil khajil khajil jaata.
Mere dil meiN bas jaata jalwah zaar-e-taybah ka
Daagh-e-furqat-e-taybah phool ban ke khil jaata.
Un ke dar pe AKHTAR ki hasrateN hueeN puri
Saail-e-dar-e-aqdas kaise munfa’il jaata.
Kalam e Hozoor Tajusharia lyrics
1. Jahan bani ata karde lyrics
Khawaja e hind wo Darbar hai Aala Tera Lyrics