Daman me yun chupa lo lyrics: 

Daman me yun chupa lo digar ko khabar na ho 

Horo malak ko jinno bashar ko khabar na ho 

Jannat me ayese pahunchon saqar ko khabar na ho 

Pul se utaru Raha Guzar ko Khabar Na ho

Jibreal par bhichaye Tu par ko khabar naho. 

Dar Dar Ki Thookaroon se khudaya bacha hameen 😰🙏💧

Sadqa hassan husain ka karde ata hameen

Dunya ke ranj o gam se tu karde riha hameen

Ayesa Guma Dee Unki Wila Me khuda hameen

Dhoonda kare par apni khabar ko khabar naho. 

Ummat se piyar tera na aye shumaar me 

Rakha na Eik Pal bhi kabhi intezaar me 

Be cheen qalb Aaya Usi Bekarar mein

Fariyaad ummati Jo Kare Haal e Zaar Mein

Mumkin nahi ke khair e Bashar ko Khabar naho. 

Daur E Khazaa Ki Zadd Me Hai is figaar ka 

Muddat hui ke moo'n nahi dekha Bahar Ka 

Daste huzoor me hai sharaf iqteyaar Ka 

Kaanta Mere Jigar Se Gam E Rooz Gaar ka 

Yoo'n kheench lijiye ke Jigar Ko khabar Na ho. 

Jinka muqaam karte bayan hain Shah e Zamaa'n 

Kaise phir unki shan bayan kar sake zubaa'n 

Khud mustafa ( صلی اللہ علیہ وسلم)  ne maula Ali par kiya Aayaa'n

Farmate hain ye Dono hain Sardar e Dojahaa'n 

Aye murtaza! Atique o umer ko Khabar Naho. 

Imaan hai ke koi khuda se bada Nahi 

Maheboob hain wo khuda ke magar khuda nahi 

Hukm e shara me sajda bhi unko hua nahi 

Aye Shaoq e dil !  Gar ye sajda unko rawa nahi 

Acha! Wo sajda kijiye ke sar ko khabar Naho. 

Ahebaab ubeed jaa'n Chidakte hain jo yahaa'n 

Hoonge Barooz e Hashr kisi ke bhi wo kahaa'n 

Maa Baab kaam Ayenge na Aulaad Bhi wahaa'n 

Unke Siwa Raza Koi Hami Nahi Jahaa'n 

Guzra kare pisar pe pidar ko khabar Naho. 

Releted naat lyrics 

Rozo shab joosh pe rahmat ka hai darya tera lyrics 

sartaba qadam hai tazmeen lyrics abdul wasi