67. MUZHDAH BAAD AAY ‘AASIYO, SHAAFI’ SHAH-E-ABRAAR HAY
Muzhdah baad aay ‘aasiyo, shaafi’ shah-e-abraar hay,
Tahniyat aay mujrimo! Zaat-e-Khuda Ghaffaar hay.
‘Arsh saa farsh-e-zamin hay, farsh paa ‘arsh-e-bareen,
Kya niraali tarz ki naam-e-Khuda raftaar hay.
Chaand shaq ho peyr bolein jaanwar sajdey karein,
Baarak’Allah marja-e-a’alam yahi sarkaar hay.
Jin ko soo-e-aasmaan phayla key jal thal bhar diye,
Sadqah un haathon ka pyaare hum ko bhi darkaar hay.
Lab zulaal-e-chashmah-e-kun mein gundhey waqt-e-khameer,
Murdey zindah karna aay jaan tum ko kya dushwaar hay.
Gorey gorey paaun chamka do Khuda key wastey,
Noor ka tadka ho pyaare gor ki shab taar hay.
Tere hi daman pey har ‘aasi ki parti hay nazar,
Ek jaan-e-bey khata par do jahaan ka baar hay.
Josh-e-tufaan bahr-e-bey paayaan hawaa naaa saazgaar,
Nooh key Mawla karam kar dey to beyrra paar hay.
Rahmatul-lil-’aalameen teri duhaayi dab gaya,
Ab to Maula bey tarah sar par gunaah ka baar hay.
Hayraten hain aayinah daar-e-wafur-e-wasf-e-gul,
Un key bulbul ki khamoshi bhi lab-e-izhaar hay.
Goonj goonj utthey hain naghmaat-e-RAZA sey boostaan,
Kyoon na ho kis phool ki mid-hat mein waa minqar hay.