71. GUNEHGAARON KO HAATIF SEY NAWEED-E-KHUSH MA’AALI HAY
Gunehgaaron ko haatif sey naweed-e-khush ma’aali hay,
Mubarak ho shafaa’at key liye Ahmad saa waali hay.
Qaza haqq hay magar us shawq ka Allah waali hay,
Jo unki raah mein jaaye woh jaan Allah waali hay.
Tera qad-e-Mubarak gulban-e-rehmat ki daali hay,
Usey bo kar terey Rab ne binaa rahmat ki daali hay.
Tumhari sharm sey shaan-e-jalaal-e-Haqq tapkati hay,
Kham-e-garden hilaal-e-aasmaan-e-zuljalaali hay.
Zah-e-khud gum jo gum hone pe yeh dhoondhe ki kya paya,
Arey! Jab tak keh paana hay jabhi tak haath khali hay.
Mein ek mohtaaj-e-be-waq’at gadaa tere sag-e-dar ka,
Teri Sarkaar waala hay tera darbaar aali hay.
Teri bakhshish pasandi uzr joi tawbah khwaahi sey,
Umoom-e-be-gunaa hi jurm shaan-e-laa-oobali hay.
Abu Bakr-o-Umar Usman-o-Haidar jiske bulbul hain,
Tera sarwe sahi us gulbune khubi ki daali hay.
RAZA qismat ki khul jaayay jo geelaan sey khitaab aayay,
Ke tu adnaa sag-e-dargaah-e-khuddaam-e-ma’aali hay.