Chamak tujhse paate hain sab paane waale,
Mera dil bhi chamka de chamkane waale.
Barasta nahi dekh kar abr-e-rehmat,
Bado(n) par bhi barsa de barsane waale.
Madine key khitte Khuda tujhko rakhe,
Ghareebon faqeeron key t-hehrane waale.
Tu zinda hay wallah tu zinda hay wallah,
Mere chashm-e-‘aalam sey chup jaane waale.
Mein mujrim hoon Aaqa mujhe saath le lo,
Ke raste mein hain jaa bajaa thaane waale.
Haram ki zamee(n) aur qadam rakh key chalna,
Are sar ka mouqa hay aw jaane waale.
Chal uth jabah farsa ho saaqi key dar par,
Dar-e-jood aay mere mastaane waale.
Tera khaayein tere ghulamon sey uljhein,
Hain munkir ‘ajab khaane ghurrane waale.
Rahega yoon hi unka charchaa rahega,
Parre khaak ho jaayein jal jaane waale.
Ab aayi shafaa'at ki saa'at ab aayi,
Zara chain le mere ghabhraane waale.
RAZA nafs dushman hay dam mein na aana,
Kahaan tumne dekhe hain chandraane waale.