35. AHLE SIRAAT ROOH-E-AMEEN KO KHABAR KARE(N)
Ahle siraat Rooh-e-Ameen ko khabar kare(n),
Jaati hay ummat-e-Nabavi farsh par kare(n).
Inn fitna haaye hashr sey kehdo hazar kare(n),
Naazo(n) key paale aate hay rah sey guzar kare(n).
Bad hay to Aapke hay bhale hay to Aapke,
Tukron sey to yahaan key pale rukh kidhar kare(n).
Sarkaar hum kameeno key atvaar par na jaaye(n),
Aaqa Huzoor apne karam par nazar kare(n).
Unki haram key khaar kashida hay kis liye,
Aankho(n) me aaye sar pe rahe dil me ghar kare(n).
Jaalo pe jaal par gaye lillah waqt hay,
Mushkil kushayi aap key naakhun agar kare(n).
Manzil karee hay shaan-e-tabassum karam kare,
Taaro(n) ki chaao(n) noor key tarke safar kare(n).
Kilk-e-RAZA hay khanjar-e-khun-khwar barq-baar,
A'ada sey kehdo khair manaaye(n) na shar kare(n).