62. AANKHEIN RO RO KEY SUJAANE WAALE
Aankhein ro ro key sujaane waale,
Jaane waale nahin aane waale.
Koi din mein ye sara awjarh hay,
Arey-o-chhaaoni chhaane waale.
Zabah hote hain watan sey bichre,
Des kyoon gaatey hain gaane waale.
Arey bad-faal buri hoti hay,
Des ka jangla sunaane waale.
Sunlein aa’da mein bigarne ka nahin,
Woh salaamat hain banaane waale.
Aankhein kuch kehti hain tujh sey paighaam,
Aw dar-e-yaar key jaane waale.
Phir na karwat li Madine ki taraf,
Arey chal jhoote bahaane waale.
Nafs mein khaak huwa tu na mita,
Hay meri jaan key khaane waale.
Jeetey kya dekh key hain aay hurow,
Taybah sey khuld mein aane waale.
Neem jalwe mein do ‘aalam gulzar,
Waah waa rang jamaane waale.
Husn tera saa na dekha na sunaa,
Kehte hain agle zamaane waale.
Wahi dhoom unki hay maa shaa Allah,
Mit gaye Aap mitane wale.
Lab-e-sairaab ka sadqa paani,
aay lagi dil ki bujhaane waale.
Saath le lo mujhe mein mujhrim hun,
Raah mein parrte hain thane waale.
Ho gaya dhak sey kaleja mera,
Haaye rukhsat ki sunaane waale.
Khalq to kya keh hain khaaliq ko ‘azeez,
Kuch ‘ajab bhaate hain bhaane waale.
Kushta-e-dasht-e-Haram Jannat ki,
Khirkiyaan apne sirhaane waale.
Kyun RAZA aaj gali sooni hay,
Uth mere dhoom machaane waale.