Tum chalo hum chalein sab madine chalein lyrics :
6. SAB MADINE CHALEN
Tum chalo ham chaleN sab Madine chaleN
Jaanib-e-taybah sab ke safeene chaleN.
Maykasho! Aao aao Madine chaleN
Baada-e-khuld ke jaam peene chaleN.
Jee gaye woh Madine meiN jo mar gaye
Aao ham bhi wahaN mar ke jeene chaleN.
Zindagi ab sar-e-zindagi aagaee
Aakhri waqt hay ab Madine chaleN.
Shouq-e-taybah ne jis dam sahaara diya
Chal diye ham kaha bekasi ne chaleN.
Taaer-e-jaaN Madine ko jab uRh chala
Zindagi se kaha zindagi ne chaleN.
Jaan-e nou rah-e-janaaN meiN yuN mil gaee
Aankh neechi kaha bekhudi ne chaleN.
Raah-e-taybah meiN jab naatawaaN rah gaye
Dil ko khinchta kaha bekali ne chaleN.
Khaak-e-taybah meiN apni jagah ho gaee
Khoob muzdaah sunaaya khushi ne chaleN.
Betakalluf Shah-e-do jahaaN chal diye
Saadgi se kaha jab kisi ne chaleN.
Agle pichle sabhi khuld meiN chal diye
Roz-e-mehshar kaha jab Nabi ne chaleN.
Un ki shaan-e-karam ki kashish dekhna
Kaasah le kar kaha khusrawee ne chaleN.
AKHTAR-e-khasta bhi khuld meiN chal diya
Jab sada di usey murshidi ne chaleN.