Naat Shareef
Ashikhan e rasool ke liye tohfa
Kya karoon ke Yaad Aati hain Sunehri Jaliyan
Dil Main aik Helchal machati Hain Sunehri Jaliyan.
Phootne lagti hain phir umeed ki kirne nai
Khawab Aankhon main jagati hain Sunehri Jaliyan.
Zindagi bher ki thakan ko door kar deti hain wo
Piyaar se jab muskorati hain Sunehri Jaliyan.
Apni palkon se unehe Main choomta hoon deer Tak
Dil main jab bhi jag magati Hain Sunehri Jaliyan.
Poochne wale main lafzon main bayan kaise karon
Kiya bataon kiya dekhati Hain Sunehri Jaliyan.
Jo yahan pahuncha wo Aaqa ki shafa at pa Gaya
Rah jannat ke dekhati Hain Sunehri Jaliyan.
Dill main Aajata hai jis dam bhi mawaja ka khayal
Kiya kahon kitna rulati Hain Sunehri Jaliyan.
Abb koi nazara kaise Dill main gher kar payega
Bas hamare Dil ko bhati hai Sunehri Jaliyan.