22. ZAHEY ‘AZMAT-O-IFTEKHAAR-E-MADINAH
Woh chaayi ghata baadah baar-e-madinah
Piye jhoom kar jaaN nisaar-e-madinah.
Woh chamkaa woh chamkaa minaar-e-madinah
Khareeb aaraha hay dayaar-e-madinah.
Naha leN gunaah gaar abr-e-karam meiN
Uthaa dekhiye woh ghubaar-e-madinah.
Khuda yaad farmaaye sougand-e-taybah
Zahey ‘azmat-o-iftekhaar-e-madina.
Agar dekhey RizwaaN chaman zaar-e-taybah
Kahey dekh kar yuN woh khaar-e-madina.
Madine ke kaantey bhi sad rashk-e-gul hay
‘Ajab rang par hay bahaar-e-madina.
NahiN jachti jannat bhi nazroN meiN un ki
JinheN bha gaya khaar-e-zaar-e-madina.
Meri jaan se bhi woh nazdeek tar haiN
Woh Maulaayi har be qaraar-e-madina.
KaruN kya fikr maiN gham-e-zindagi ki
MaiN huN bandah-e-gham gusaar-e-madinah.
Chala dour-e-saaghar maey naab chalki
Rahey tishnah kyuN baadah khwaar-e-madinah.
Chala koun khushboo lutaata ke ab tak
Hai mehki huwi rah guzaar-e-madinah.
Sahar din hai aor sham-e-taybah sahar hay
Anokhey haiN layl-o-nahaar-e-madinah.
Bulaa AKHTAR-e-khasta haal ko bhi dar par
MaiN sadqe tere shehr-e-yaar-e-madinah.