Sarwar kahoon ke malik o maula lyrics: 

66.SARWAR KAHOON KEY MAALIK-O-MAULA KAHOON TUJHE

Sarwar kahoon key Maalik-o-Maula kahoon tujhe,

Baagh-e-Khaleel ka gul-e-zeyba kahoon tujhe.

Hirmaan naseeb hun tujhe ummid gah kahoon,

Jaan-e-muraad-o-kaan-e-tamanna kahoon tujhe

.

Gulzaar-e-quds ka gul-e-rangeen ada kahoon,

Darmaan-e-dard-e-bulbul-e-shayda kahoon tujhe.

Subh-e-watan pe shaam-e-gharibaan ko doon sharaf,

Beykas nawaaz geysuon waala kahoon tujhe.

Allah re tere jism-e-munawwar ki taabishein,

Aay jaan-e-jaa(n) mein jaan-e-tajallaa kahoon tujhe.

Bey daagh laalah ya qamar-e-bey kalaf kahoon,

Bey khaar gulban-e-chaman aara kahoon tujhe.

Mujrim hun apne ‘afw ka saamaan karoon shahaa,

Ya’ni shafi’ roz-e-jazaa ka kahoon tujhe.

Is murdah dil ko muzhdah hayaat-e-abad ka doon,

Taab-o-tawaan-e-jaan-e-masiha kahoon tujhe.

Tere toh wasf ‘ayb-e-tanaahi sey hain baree,

Hayran hoon mere shaah main kya kya kahoon tujhe.

Keh legi sab kuch unke thanaakhwaan ki khaamoshi,

Chup ho raha hay keh kay main kya kya kahoon tujhe.

Lekin RAZA ne khatm-e-sukhan is pe kardiya,

Khaaliq ka bandah khaalq ka Aaqa kahoon tujhe.