26. SADQEY JAAUN MAIN ANEES-E-SHAB-E-
TANHAAYI KEY
Meri khalwat meiN mazey anjuman aaraayi key
Sadqe jaauN maiN anees-e-shab-e-tanhaayi key.
Un ke sadqey meiN milaa moul anokha mujh ko
Ho gaye dono jahaaN Aap ke shaydaayi key.
Sar hai sajdey meiN khayaal-e-rukh-e-jaanaN dil meiN
Ham ko aatey haiN mazey naaseyah farsaayi key.
Sajdah be ulfat-e-Sarkar ‘abas ay najdi
Mohr-e-la’anat haiN ye sab daagh jabeeN saayi key.
Dasht-e-taybah meiN gumaa dey mujhe ay josh-e-junooN
Khoob leney dey mazey baadiah paymaayi key.
Woh rag-e-jaan-e-do ‘aalam haiN baRhey bhai nahiN
HaiN ye sab phandey burey tere barhey bhai key.
MaiN toh huN bulbul-e-bustaan-e-Madinah AKHTAR
Housley mujh ko nahiN qaafiyah aaraayi key.