بسم اللّٰه الرحمٰن الرحیم✿◉ •◦
1500 Saala Jashn Hai meelad Ka Marhaba Marhaba lyric:
Pandra sau sala jashn hai milad ka marhaba marhaba
Chand nikla hai maheboob e gaffar ka marhaba marhaba
Noor phaila hai nabiyoon ke sardar ka marhaba marhaba
Jashne milad hai rab ke shahkaar ka marhaba marhaba
Aaj gul hai khila jaane gulzaar ka marhaba marhaba.
پندرہ سو سالہ جشن ہے سرکار کا مرحبا مرحبا
چاند نکلا ہے محبوبِ غفّار کا مرحبا مرحبا
نور پھیلا ہے نبیوں کے سردار کا مرحبا مرحبا
جشنِ میلاد ہے رب کے شہکار کا مرحبا مرحبا
آج گل ہے کھِلا جانِ گلزار کا مرحبا مرحبا
Harso rahemat ke badal khusha chagaye mustafa aagaye
Barish e noor o rahmat wo barsa gaye mustafa aagaye
Khare gulshan bhi khushbo se mahka gaye mustafa aagaye
Khalbe weeraan aabaad farma gaye mustafa aagaye
Faiz hai ye do alam ke mukhtaar ka marhaba marhaba.
ہرسو رحمت کے بادل خوشا چھا گۓ مصطفیٰ آگۓ
بارشِ نور و رحمت وہ برسا گۓ مصطفیٰ آگۓ
خارِ گلشن بھی خوشبو سے مہکا گۓ مصطفیٰ آگۓ
قلبِ ویران آباد فرما گۓ مصطفیٰ آگۓ
فیض ہے یہ دوعالم کے مختار کا مرحبا مرحبا
ہرطرف نور و رحمت کی سوغات ہے کس کا میلاد ہے؟
کون آیا آخر کس کی یہ ذات ہے کس کا میلاد ہے؟
کس لیے آج رحمت کی برسات ہے کس کا میلاد ہے؟
کون دولھا بنا کس کی بارات ہے کس کا میلاد ہے؟
جشن ہے یہ شہنشاہِ ابرار کا مرحبا مرحبا
چھَٹ گٸ دہر سے کفر و ظلمت کی شب آۓ محبوبِ رب
اُنکی مدحت میں مصروف ہیں سارے لب آۓ محبوبِ رب
جھک گۓ تاجداروں کے سر باادب آۓ محبوبِ رب
جھومے کیوں نہ مسرّت سے ارضِ عرب آۓ محبوبِ رب
کس قدر بخت چمکا ہے سَنسَار کا مرحبا مرحبا
چہرۂ وَالضّحیٰ مثلِ ماہِ مبیں کس قدر ہے حسیں
نور ہی نور ہے اُن کی روشن جبیں کس قدر ہے حسیں
جسمِ اقدس کی رنگت بہت دلنشیں کس قدر ہے حسیں
اُن کے حُسنِ سراپا کا ثانی نہیں کس قدر ہے حسیں
حُسن بـےمثل ہے اُس طرح دار کا مرحبا مرحبا
کیوں معطّر ہے دنیا کی آب و ہوا کیسی خوشبو ہے یہ؟
کتنی پاکیزہ ہے آج کی یہ فَضا کیسی خوشبو ہے یہ؟
کس نے کانٹوں کو بھی مُشک سا کردیا کیسی خوشبو ہے یہ؟
آخر کیسے ہوا کیا ہے یہ ماجرا کیسی خوشبو ہے یہ؟
کھُل گیا پیچ گیسوۓ خَمدارﷺ کا مرحبا مرحبا
گفتگو جس کی وحدت کا اک راز ہے ایسا انداز ہے
دلنشیں دلربا جس کی آواز ہے ایسا انداز ہے
جس سخن پر بلاغت کو بھی ناز ہے ایسا انداز ہے
پھول جھَڑتے ہیں منھ سے یہ اعزاز ہے ایسا انداز ہے
دل دِوانہ ہے آقاﷺ کی گفتار کا مرحبا مرحبا
نامِ احمد کو ہونٹوں سے جب چومیے جامِ الفت پٸیں
آمدِ مصطفیٰ ہے نہ شرماٸیے جامِ الفت پٸیں
عشق کے ولولے کو نہ اب روکیے جامِ الفت پٸیں
اُنکی دیوانگی کے مزے لیجیے جامِ الفت پٸیں
ہے یہ میلاد امّت کے غمخوار کا مرحبا مرحبا
سر جھکاتا ہے خود جس جگہ آسماں، مرکزِ دوجہاں
جس کی عظمت نہ کرپایا کوٸی بیاں، مرکزِ دوجہاں
عاشقوں نے کہا ہے جسے یک زباں مرکزِ دوجہاں
وہ مدینہ نبی کا، وہ جنت کی جاں مرکزِ دوجہاں
مرتبہ ہے بڑا اُن کے دربار کا مرحبا مرحبا
دین و ایماں کا سودا میں کرتا نہیں ہاں میں بِکتا نہیں
مال و دولت کی لالچ میں پڑتا نہیں ہاں میں بکتا نہیں
باطلوں کا مجھے کوٸی کھٹکا نہیں ہاں میں بکتا نہیں
میں غلامِ نبی ہوں کیا دِکھتا نہیں ہاں میں بکتا نہیں
میں ثناخواں ہوں بس اپنے سرکار کا مرحبا مرحبا
زندگی کے غموں سے میں لڑتا رہا نعت پڑھتا رہا
اپنے زخموں پہ مرہم یوں بھرتا رہا نعت پڑھتا رہا
نامِ احمدﷺ کا میں وِرد کرتا رہا نعت پڑھتا رہا
میں بلندی پہ ایوبؔ چڑھتا رہا نعت پڑھتا رہا
بڑھ گیا مرتبہ میرے اشعار کا مرحبا مرحبا